तुलसीलाल अमात्यलाई कसैले राजनीतिक व्यक्तित्वका रुपमा चिने, कसैले गीताका अनुयायी त कसैले गान्धीवादी । अनि कोही नेपाली काँग्रेसको नेताका रुपमा पनि उहाँलाई चिन्दछन । उहाँको विविध व्यक्तित्व छ । सबैले धेरैपछि मात्र आधिकारिक रुपमा लिने गरेको नाम हो – तुलसीलाल अमात्य । उहाँलाई नजिकबाट चिन्ने मानिसहरुका लागि परिचयको नाम हो – गिरिदाइ । मैले पनि आजीवन गिरिदाइकै रुपमा उहाँलाई चिने, बुझें र संगत गरें । पार्टीभित्र उहाँको नाम गिरिदाइ नै हो, तुलसीलाल त हाम्रा लागि अस्वभाविक जस्तो तर आधिकारिक चिनारी मात्रै हो । उहाँलाई मैले गिरिदाइको रुपमा चिनेको २००८ सालमा हो, जतिखेर म भर्खर नेपाल कम्यूनिष्ट पार्टीमा प्रवेश गरेको थिएँ । त्यो बेलादेखि नै मैले उहाँलाई गिरिदाइको नामले चिनें, संगत गरें र निकट रहेर काम गरें ।